Pritje të gjata në disa pika kufitare të Kosovës

Qytetarët që po dalin nga Kosova po përballen me pritje të zgjatura në disa pika kufitare.

Sipas të dhënave të fundit nga Qendra Kombëtare për Menaxhim Kufitar, pritjet më të gjata janë regjistruar në pikën kufitare në Merdarë ku ato arrijnë deri në 60 minuta, ku kolona është deri në 700 metra.

Ndërkohë, në pikën kufitare te “Dheu i Bardhë” pritjet shkojnë deri në 40 minuta, kolona 400 metra.

Në të gjitha pikat e tjera kufitare, pritjet janë më të shkurtra dhe variojnë nga 5 deri në 10 minuta.